蔡卓妍（阿Sa）、林峯、狄龍及苟芸慧等昨日齊以古裝造型，出席在將軍澳邵氏片場舉行電影《翡翠明珠》開鏡儀式，林峯造型誇張得似演唱會服裝。飾演公主的阿Sa表示與將軍林峯有親熱戲，但二人更似鬥氣寃家。
被罵死仔包
阿Sa說：「佢有時好衰，整蠱我，噚日拍場戲，佢要喺我胸前搶個玉珮，導演叫佢隻手可以做個弧形，跟住佢攤直隻手，話我係咁樣，我即刻打佢，死仔包，我要慢慢發掘佢死穴。」林峯被阿Sa投訴取笑她平胸，他笑說：「玩吓啫。」他又多謝公司連續兩部戲力捧做男主角。葉童老公陳國熹被指與一位女士態度親熱，狄龍說：「外國讀書返嚟，見面錫幾吓啫，唔好捕風捉影。」
採訪：溫敏芝
攝影：陳順禎