【本報訊】天公不造美，澆熄了全港一眾年宵攤檔檔主的熱情。難得昨日天氣稍稍放晴，全港最大年宵市場維園年宵攤檔的檔主，重燃一絲希望，紛紛推出減價促銷等策略，期望吸引市民光顧。不過，大部份攤檔表示，對未來幾天年宵檔期的生意額仍抱觀望態度，是否要賠本最終還要「望天打救」。
記者：蔡建豪、蔡朗清、林潔華
年宵前日首天開市即遇上大雨，昨日雲收雨散，維園年宵攤檔檔主稍稍鬆一口氣，年宵市場內的人流也見復蘇。於維園經營熟食檔的蕭邦貿易市場業務總監林偉達表示，對比首日不穩定天氣，昨日人流及生意額也好得多，現階段仍有信心賺錢，「如果冇雨，人流同生意都有機會V形反彈，真係要望天。」
部份乾濕貨攤檔昨日率先減價促銷，售賣應節虎年雙截棍的職訓局工商資訊學院學生昨已劈價促銷，負責人之一的何同學解釋，現場售賣同類產品的攤檔太多，不得不減價搶客，原價78元的雙截棍，減價26%賣58元，而虎爪手套公仔更由188元劈價逾三成，「人流係多咗，但競爭好激烈，減價可谷起個勢。」但自家設計的女裝內褲花束暫無意減價，每束12支仍售488元，「內褲花暫時唔減住，睇吓呢幾日銷情再打算。」
吹氣慳電膽攤檔派現金券
理工大學一批學生則售賣吹氣慳電膽，諷刺曾特首捲入慳電膽券明益親家事件。段同學表示，昨日人流較前日增加一倍，但見同行減價，也派人在年宵市場入口派發20元現金優惠券，到該檔購物享優惠，變相減價三成，「我哋唔想就咁減，派優惠券寫埋產品嘅資料，啲人購買意欲會大啲。」有濕貨檔主指市民可能憂慮稍後天氣惡化，買年花的人潮提前出現，故已開始減價清貨。
不過，也有檔主企硬不減價，售賣30款餅食的雞仔餅大王梁銳洪表示，「我哋檔口投標價比舊年貴咗成倍，但雞仔餅定價同舊年一樣，再減就賣一件蝕一件，減價不如唔好做。」天文台預測，即日至年三十期間仍間歇多雲有雨，檔主難免要把握放晴時段。