花旗股市跌勢未停，道指一萬關失守，格林斯潘前日提出警告話好關注美股嘅跌勢，佢話股價並唔係一個賬面數字，對經濟活動有好大影響，唔知伯南克同奧巴馬會唔會聽佢支笛，如果股市再跌，對花旗經濟復蘇肯定有影響。
港股噚日終於出現反彈，恒指反覆升咗239點，睇個勢仲有得去，內銀股可以炒番轉。
信行C輪20812：中信銀行（998）昨收5.29元，升1.1%。連續第3日貼近10日線收市，技術走勢轉穩，若上破5.42元睇5.85元，可以諗吓隻C輪20812。
隻輪現價37.5仙，2010年8月9日到期，行使價6.08元，溢價22%，引伸波幅45.9%，有效槓桿5.3倍，正股升上5.85元，20812睇62仙，正股跌穿5.08元，就沽咗隻輪止蝕。
俊樺