薛家燕同謝雪心噚日齊齊喺灣仔出任全城動清潔大使，家燕姐復出後已經有13年冇親自大掃除，一直以嚟都只係安排工人幫手。家燕姐一直都視子女如珠如寶，女兒石祐珊早前帶男友見家長，而家燕姐似乎對呢個男仔都好滿意，一講起笑晒口，仲講笑話：「今年情人節我唔想佢陪我喎，因為我都有情人。」睇嚟未來女婿已經過晒佢嗰關。