機構投資者若對一隻股票睇法有變，行動會十分當機立斷。忠旺（1333）被安永報告指在核證程序中受到局限，而管理層又未能作出解釋，影響該股昨復牌即遭洗倉，大跌27%至5.87元收市。
忠旺去年招股書內容被質疑後，股價曾幾度出現大跌。另一隻早前管理層出現齟齬的中金再生（773），自踏入2月後跌勢持續，昨急跌至6元邊緣，收報6.70元，仍大跌9.3%，亦係要提防的股份之一，唔建議博反彈。
中芯（981）亦係一隻好「蝦」人炒嘅股份，該股自04年3月以2.69元上市後，股價一直向下炒，公司又從未派過息，任何人當日買貨持有至今，肯定要輸錢。
不過，自從中芯與糾纏多年的台積電達成和解協議，促成台積電將入股中芯後，市場開始瀰漫一股憧憬中芯將可「翻生」的期望；市傳中芯短期將公佈重大人事變動，可能係咁，該股昨升4.7%，報收0.67元，短線升上52周高位0.73元唔出奇，不妨以打游擊心態設止蝕位去炒轉。
方星俠