人氣足球員「陳七」陳肇麒，同o靚妹李綺雯傳過緋聞又有親密照曝光，但係戀情一曝光就即分手。噚日o靚妹喺銅鑼灣為電腦產品宣傳，佢話今年情人節會同屋企人拜年，冇拖拍都影響唔到佢心情，如果陳七有份踢賀歲杯足球賽，問到o靚妹會唔會去捧場？o靚妹心水清話今年係傑志搞，所以陳七冇份踢，睇嚟佢都幾留意足球賽程。