前陣子才在報章上讀到，佘詩曼忙到連唇膏用完都未有時間買，即是意味着她可能連花時間打理自己肌膚的時間都未有，情願瞓多陣好過。真令人費解，普通女生買齊成套美白裝備，日望夜望自己皮膚唔通透都要夠白滑，但偏偏阿佘在接近零保養的狀態下，美得白得令人妒忌。
記者：吳美美
攝影：林栢鈞
Model︰BoBo@Elite
Makeup︰江中平（forCharmaineSheh）、Edward@CHANEL（forBoBo）
Hair︰Kate@HairCulture（forCharmaineSheh）、Green@ChinG（forBoBo）
懶人也會敷蜜糖
「我好懶」，問阿佘是否每日會依足規矩搽一系列美白用品，結果得出這三個字。也難怪，基本上她長期處於只有幾個小時的休息狀態，「但我的確用咗Chanel今次新推出的美白精華，都搽咗年幾兩年。因為好方便，基本上只搽佢呢隻都可以Keep到白。」原來，懶都有底線嘅。仲有無其他關鍵呢？「家工作時會Keep住搽防曬、美白用品，之後又會化妝，基本上好似有層面具，陽光都曬唔到，所以我塊面真係白過我條頸，所有化妝品我都要有防曬。同埋以心理上嚟講，防曬越高度數越好，但可能搽咗皮膚會無咁爽，但基本50至70度防曬都應該夠。」仲有偏方㖭，「我有試過用蜜糖敷面，好似我呢幾日都只係瞓個幾三個鐘，就覺得好乾，又無時間敷Mask，冲凉前就搽一層喺面，大約十分鐘洗走蜜糖就OK嘞。」聽阿佘講完，美白心得關鍵所在就係，你係明星，你就會變白，講完！
水仙花式美白
今次Chanel就埋頭獨家研發了黑色素睡眠四效複合物，當中結合了水仙花鱗莖精華、薑黃精華、雪鈴蘭精華、甘草精華和維他命C衍生物，有步驟地成功阻斷黑色素形成的各個連鎖反應。
*以上貨品2月18日正式發售
和諧粉調妝容
美容雜誌極力Sell的Nude妝仍然有價有市，可惜小記還是偏愛和諧粉調兼白淨妝容。Chanel就利用了她的全新彩妝系列，示範和諧粉調妝容三部曲。
Steps
1.先用金色眼影搽在整個眼窩位，再於眼尾的三分一位置塗上粉色眼影，造出層次感，同時在眉骨位置塗上Highlight。最後畫上內眼線及黑色睫毛液。
2.只須在AppleCheek位置輕輕塗上淺粉紅色胭脂。
3.先塗上粉紫色唇膏，再塗上淺粉紅色唇彩。
Tips︰若想通透白淨，可利用新出的防曬蜜粉，作全面定妝之用。小記親身試過，蜜粉質地好幼細，內有少許閃粉，令面部更有光澤，而且甚少蜜粉具防曬功能。
試香Bar試香吧！
近排行經IFC的「美容地帶」（即中庭附近位置），都應該留意到Chanel的BeautyShop在這裏作首次現身。賣點不是胭脂水粉，而是宜人氣味「香水」是也，特闢名為EscapeParfum空間，內設OlfactoryBar（試香吧），將全系列的49款香氣「收入」桌內。至於各種香水樽已化身陶瓷試香棒，客人可從桌上拿起棒身試味，而香水與香水之間，可嗅浸於咖啡中的黑色陶瓷棒以中和及平衡累積的香味（大意與試菜時要喝水沖淡味蕾的情形相同）。Chanel今次的舉動真的是貼心兼創意之作，難怪急急腳地為此試香方法申請專利。
Chanel（28101083）
中環國際金融中心1060店