中東阿聯酋嘅杜拜，之前就有國有公司杜拜世界泡沫爆破，仲差啲破產，要兄弟酋長國阿布扎比出手支持先搞得掂；不過杜拜仍然繼續大使，由政府擁有嘅航空公司阿聯酋航空，宣佈來季起贊助AC米蘭個心口廣告，4年總贊助費高達5千萬歐元（約5.3億港元）。AC米蘭近季都冇咩特別成績，仲用咁貴買廣告，我求大俠就認為唔值。話時話，AC米蘭借將碧咸，嚟緊就會喺歐聯16強面對母會曼聯，碧咸就話就算入波都唔會慶祝，不過碧咸再次回流意大利，咁耐都未入過波，你估曼聯啲後衞，差得過利禾奴、博洛尼亞嗰啲咩？