琦琦昨日以代言人身份，在銅鑼灣出席SK-II概念店開幕。她早前去日本出席品牌35周年派對時，與同場的澳洲女星姬蒂白蘭芝（CateBlanchett）大談湊仔經，琦琦說：「佢條腰瘦我一半，佢生咗3個，我請教佢點樣keep到咁瘦，佢又讚Ella（女兒晴佳）得意。」兩人更交換地址。
每日一電防意外
前日有父母因女兒升小學問題爭拗，母親激動扔女落樓兼自殺，琦琦揚言香港母親壓力大，她說：「我有個都係媽咪嘅朋友，最近抑鬱到瘋狂，佢唔想見人，成個月唔出街，我惟有日日打電話畀佢，makesure佢冇做儍事。」琦琦促政府多關注都市人抑鬱情緒。提到Ella今年也升小學，問她為人父母是否壓力特大，她說：「做人係要喺壓力中成長，唔好令到人生咁負面，樂觀啲。」
採訪、攝影：LawWaiMan