劉小慧同方力申噚日不約而同喺機場出現，原來小慧係嚟接老公蘇志威機，因為老公喺洛杉磯登完台返嚟；講到登台，問小慧怕唔怕好似梁漢文日前喺內地酒吧表演時遇到打交事件？小慧話：「唔怕，草蜢有3個人，佢哋會互相幫助。」而小方啱啱同父母去英國探喺嗰邊讀書嘅細佬，問到初一兼情人節會點過，小方話會飛去北京探親喎！