任志剛退下金管局總裁職位後，「工作」未曾中斷過，近日佢飛到澳洲悉尼同一班央行賓架會面。阿任無時無刻都高度關注各國退市情況，喺當地演講之中，仲特別提到各新興市場需要關注流動資金過剩嘅問題。
阿任直指有一定金額嘅流動資金已流向新興市場，當中包括香港，佢提醒，資金總會有撤走嘅一日，例如好多政府都喺08年推出百分百存保，香港如是，部份地區將喺今年底取消百分百存保，因此各地政府要作出協調喇。呢啲言論同現任總裁陳德霖上星期喺立法會講話如出一轍。
新興市場要關注資金過剩
阿任退休後擔任中國金融學會執行副會長；又喺海外要演說；至於喺香港亦未能「hea」，事關中大新成立咗全球經濟及金融研究所，阿任同中大校長劉遵義、「歐元之父」蒙代爾等都係研究所成員之一。