股海淡風未消散，大市反彈乏力，貿然入市炒作好易損手，加上農曆年將至，散戶多數選擇離場，去趕辦年貨好過。
歐元區國家債務危機消息似乎驅之不散，雖然港股已由高位累跌不小，散戶入市博反彈意欲唔算好高，可能係擔心事件會變成「雷曼翻版」，其實諗返轉頭，當日冰島情況一樣水深火熱，最後亦避過一劫；家陣歐洲五國事件最終會否演變到差過當年金融海嘯，暫時無人知，但星俠相信事件最後會化險為夷，堅持懷着樂觀心態炒股。
如果認為大市再跌幅度有限，不妨伺機吸納內銀股，建行（939）更是入貨首選。
建行09年第三季度業績實現淨利潤達303億元人民幣，按年增加18.5%；首三季純利亦增2.2%至861億元人民幣，第三季度資本充足比率及核心資本充足率分別為12.11%和9.57%，屬中上水平，故集資壓力唔大，可趁調整吸納，如遇大市反彈，可作短炒，獲利目標6.10元。
方星俠