歐洲嘅震盪餘波未了，七國集團會議後冇表示，資金繼續流向美元無可避免，不過呢啲屬於市場即時反應，之後啲錢會流向邊仲有變數。
港股噚日跌114點，報收19550，沽壓已經冇咁大，歐洲股市噚日早段反彈，花旗股市都有條件回升，今日港股走勢可以睇好啲。
聯想C輪18966：聯想（992）噚日表現硬淨，逆市升2.3%，報收5.23元，最高見過5.36元，睇個勢有機突破5.50元，上試6元，可以諗吓隻C輪18966。
隻輪現價82仙，2010年9月22日到期，行使價6.08元，溢價31.9%，引伸波幅67.7%，有效槓桿3.1倍，正股升上6元，18966睇1.24元，正股跌穿4.90元，就沽咗隻輪止蝕。
俊樺