何超雲前晚被發現有新男伴，她近日沉醉愛河中的妹妹超蓮，昨日也獲情敵代為洗脫撬牆腳污名。超蓮男友Jeremy的舊愛顏后君（Ceci）昨日與莊思敏等人到深水埗出席活動。Ceci之前透露曾與Jeremy拍拖，並暗示被超蓮撬牆腳，昨日她卻改口謂與Jeremy只是普通朋友，她說：「大家只係普通朋友，話超蓮撬牆腳，根本就冇啲咁嘅事。」
「唔識超蓮」
但Ceci被問到曾否與Jeremy拍過拖時卻顯得心慌慌，她說：「我哋識咗好耐，之前有聯絡時都只係好朋友關係，但唔係成日會搵大家。」Ceci一時說跟Jeremy只是普通朋友，之後又說是認識很久的好朋友，再反口承認曾和Jeremy拍拖，說到彼此的關係時更加口窒窒，但最後仍祝福說：「我唔識超蓮，亦冇喺facebook睇過佢哋啲相，佢哋咁sweet都戥超蓮同Jeremy開心，超蓮又靚女，祝福佢哋。」
採訪、攝影：魯萍