崔建邦因涉打前女友鄺敏慧（中巴）而閉關近個多月，原本答允陳志雲擔任其新書活動司儀也臨時打退堂鼓，志雲找來另一愛將王喜任司儀，他更踢爆崔建邦情緒受困擾，要靠生命熱線幫助。
無綫高層陳志雲昨日率領旗下小生花旦佘詩曼（阿佘）、楊怡、黎耀祥和楊思琦等到奧海城出席其新書《志雲情人節首選》的慈善義賣，部份收益撥捐慈善團體生命熱線。楊思琦以背心短裙示人，無懼寒冷天氣，認真貪靚。
王喜食螺絲被窒
原本活動司儀由崔建邦擔任，不過因為他去年年底涉打前女友鄺敏慧後就一直閉關自我反思，但崔建邦也答應陳總做司儀，但最終邦邦因仍未能面對人群而由王喜頂替。
擔任司儀的王喜除了頻頻食螺絲外，又不懂在台上執生，最後要勞動陳總出馬解圍，陳總更抵死說：「唔怪得TVB唔簽你經理人合約啦。」王喜尷尬自嘲做司儀沒有崔建邦「咁叻」，王喜更說：「我會將收到嘅利是畀崔建邦，我係替工，呢啲利是有骨，會捐畀生命熱線。」
陳總透露愛將崔建邦近況時說：「佢覺得仲未能面對咁多人，所以唔好勉強，佢怕面對一班人，生命熱線都有幫助佢，佢有搵我，我係生命熱線嘅大使同義工，主要聽佢講嘢，知道佢冇安全感，唔相信人，對媒體有恐懼，相信佢要過一段時間先可以克服，嚟緊3月佢會去非洲探訪。」
唐詩詠抗拒復合
近日和陳豪傳出緋聞的阿佘在現場被陳總追問是否有新歡，又笑她愛上陳豪，阿佘賣口乖說：「新歡係TVB，日日都拍新劇，我愛陳豪嘅角色，拍完就抽離。」對於廖碧兒對兩人的緋聞表現得不開心，阿佘即強調大家不要將幻想當現實處理。
此外，馬浚偉和唐詩詠等昨日到將軍澳參與西貢區全城清潔運動，崔建邦的前女友鄺敏慧早前在有線訪問透露崔母最喜歡唐詩詠，唐詩詠說：「我冇睇，我屋企只睇到無綫，我冇乜所謂，佢鍾意點就點，應該唔係講我。」會否給機會崔建邦再次復合？她只說：「我諗做朋友啦，太長遠嘅事。」
採訪、攝影：丁寧、溫敏芝
