甄子丹主演的賀歲片《錦衣衛》面對《72家租客》與《花田囍事2010》等對手時，昨日他竟然長他人志氣，看好《花》片成票房冠軍，又自爆後悔沒有接拍《花》片古天樂的角色。
甄子丹昨日在尖沙嘴出席行李箱品牌Samsonite活動，現場其中一個行李箱更印有「宇宙最強」，甄子丹看到後連忙說：「我從來冇講過自己係宇宙最強或者宇宙最好打，真係唔好誤會。」
嘆《錦》片少宣傳
賀歲檔期有七、八部電影上映，甄子丹對於自己主演的《錦衣衛》宣傳不足頗有微言，他說：「今年咁多戲上，老實講，我對自己部戲信心麻麻，因為一部戲要配合宣傳氣勢，但呢部戲近呢幾日先至做宣傳，每次宣傳又唔齊人，真係有少少遺憾，我反而睇好《花田囍事2010》會贏，因為部戲有百鳴同古仔做，我冇理由唔撐，原本百鳴係想我拍呢部戲，仲係做古仔個角色，但我真係冇期，家諗番都有啲後悔唔接。」
甄子丹認為《錦》片在東南亞和內地應該會賣座，他說：「我諗喺香港以外嘅地方票房會好啲，呢部戲收得唔好都唔怕，4月仲有《葉問2》。」
甄子丹農曆新年有一個星期假期，他打算陪家人出外旅行，並努力再造人，他說：「我一向鍾意細路仔，最好生一隊足球隊出嚟！」
此外，黃百鳴、熊黛林與吳君如前日到廣州宣傳《花》片，君如談到與黃百鳴的接吻戲說：「百鳴兒子是該片編劇，特意安排這場吻戲，別以為他委屈，其實我自己是很心寒！」
採訪、攝影：梁錦雯