俗語有云色字頭上一把刀，相信近日英格蘭國家隊前隊長泰利必定深明此理。因泰利被揭發和隊友的前女友有染搞婚外情，名利雙失成為眾矢之的。前晚黎明（Leon）出席新城音樂會，竟把舞台當論壇，發揮金句王本色指泰利偷食犯錯之餘，其實情婦亦應負上責任。
黎明前晚和任賢齊、衞蘭（Janice）、劉浩龍、應昌佑、陳偉霆及RubberBand等，一同在灣仔會展演出新城「情人節iDO音樂會」，當中以RubberBand打頭陣，Leon壓軸演出。Leon演出時又突然發揮金句王本色，大談近日熱爆球壇的英格蘭國家隊前隊長泰利被揭發搭上國家隊隊友布歷治前女友佩龍塞爾的偷食婚外情醜聞。
開門嗰個都有錯
Leon在台上說：「走去隔籬屋話泰利偷食，泰利唔啱，男士女士覺得泰利唔啱，我都認同呢件事，可能寫嘢係女仔。不過我覺得呢件事都有背後意義，大家要分清黑白，唔好將泰利當熊貓，黑白混淆。我睇完知道泰利去隔籬屋，隔籬屋係禁區，道門應有人守住，但係又畀泰利入去，冇撬門撞門，自動開門畀佢入去，泰利係第一個錯，但第二個係咪開門嗰個，佢都有少少唔啱，兩個都唔啱。」雖然台下觀眾未必明白Leon的意思，但fans都相當識做拍手掌，完騷後Leon未有接受訪問。
Janice搵千呎大屋
早前哮喘發作停工的Janice身體已康復，她表示近日忙搵屋，希望和即將退休的爸爸同住，Janice說：「我想搵柴灣或上環，唔想住唔方便地方。」問Janice爸爸退休一家經濟重擔便落在她身上，她說：「一向都係我照顧佢哋。」
採訪：馬建華
攝影：林德雄
