兩位豪門準媳婦陳法拉和諸葛梓岐（Marie）最近接連隔空罵戰，寸Marie經常向傳媒放料的法拉，前晚語帶雙關說希望新一年與Marie遠離是非。昨日Marie帶男友薛嘉麟出席活動，對法拉暗寸她少啲是非，她以「唔想再回應佢嘅嘢」與法拉劃清界線。
陳法拉近日傳出與Neway大少薛世恒已結婚，雖然她已回應有關報道，但與Neway二太子薛嘉麟拍拖的諸葛梓岐，早前卻暗示法拉已婚，弄得法拉忍無可忍，兩人不時隔空罵戰，關係惡劣。
法拉：結婚有諗過
前晚法拉與一班電影《72家租客》演員如高海寧和曾志偉等到銅鑼灣宣傳，法拉再被追問結婚一事時，她說：「結婚有諗過，做女仔細個已經諗，都想結婚，以前諗20幾歲要結，家30歲都唔出奇。另一半好緊要，自己有責任保護佢，佢唔係圈中人。總之希望新一年遠離是非，希望佢都可以，我講嘅佢係諸葛梓岐。」
諸葛：是非多唔好
另一是非主角諸葛梓岐昨日在尖沙嘴出席Samsonite行李箱活動時，男友薛嘉麟出席撐女友。問Marie是否帶男友示威？她說；「今日假期，男友鍾意呢個品牌。」問到法拉新一年希望她遠離是非，Marie說：「唔想再回應佢嘅嘢，你哋問番佢啦。」誓與法拉劃清界線。
問Marie會否嬲法拉指她爆料，靠造新聞上位？她說：「唔會，我都想好好過年，唔想唔開心，總之佢講嗰啲我唔回應，是非多唔好，最緊要開心。」與法拉是否朋友？她說：「朋友囉！」可會打小人趕走是非？她說：「唔好咁講。」問她收口是否怕得罪大嫂？她說：「乜都唔回應，我出嚟工作，唔想你哋將我嘅說話變咗角度。」之後記者欲找來薛嘉麟代兄澄清結婚的傳聞時，他已經由後門離開。
採訪、攝影：IngridChan、RitaLeung
