歐洲立立亂，資金一窩蜂湧入美元，股市自然首當其衝，港股上禮拜五大跌676點收市，同日花旗股市先跌後反彈，今日港股或者可以追番啲。
歐洲呢次震盪好似翻版嘅花旗金融海嘯，不過論威力應該細好多，可以當係金融海嘯之後嘅一次餘波，睇個勢，要國基會出手打救先可以暫時平息。
東亞C輪20151：東亞銀行（023）上周五收26.90元，跌0.9%。股價反彈高收，睇勢可升破27.25元，上試28.50至29.80元，不妨諗吓隻C輪20151。
隻輪現價21.4仙，2010年8月30日到期，行使價29.88元，溢價19%，引伸波幅41.6%，有效槓桿5.2倍，正股見29.80元，20151睇升5成半，如果正股跌穿25.80元，就沽咗隻輪止蝕。
俊樺