謝安琪（Kay）去年是非及緋聞纏身，她曾表示希望可以遠離是非專心唱歌，前晚Kay擔任孫燕姿紅館演唱會嘉賓，她唱歌時再度失準走音，不過觀眾依然禮貌地給她掌聲，但Kay似嫌不夠熱烈，指觀眾「大細超」，反惹來陣陣噓聲。
一連兩場的「答案是……孫燕姿2010世界巡迴演唱會——香港站」前晚在紅館開鑼，開三面台全場爆滿，舞台中間有巨型白色類似相機鏡頭的擺設，孫燕姿則在當中出場。當晚捧場的有琦琦和藍奕邦等，而孫父及孫燕姿的鬍鬚男友也有現身。
身體不適連場勁舞
孫燕姿率先一口氣唱出多首快歌，再以半鹹淡廣東話和觀眾打招呼：「大家好，掛唔掛住我呀？鍾唔鍾意我啲造型？我有少少唔舒服，但大家嘅熱情令我舒服晒。」當晚孫燕姿換了5套歌衫，跳完勁舞後她笑說：「跳得好不好？勁不勁？好不好過Sammi（鄭秀文）？」
當晚嘉賓為謝安琪，兩人合唱《超快感》，之後Kay在台上說：「原本我想唱《預見》，但膽粗粗話唱《超快感》，因為呢首歌對我好特別，第一次我去試音就係唱呢首，估唔到有一日我可以同孫燕姿一齊唱。」而孫燕姿則表示第一次是在的士上聽到Kay的歌聲，她覺得Kay聲線特別，當日已睇好她大有可為。
之後孫燕姿到後台換衫由Kay獨唱兩首，她唱《鍾無艷》時再度走音，但觀眾依然掌聲鼓勵，不過Kay似嫌掌聲不夠熱烈說：「我屋企人知道我做孫燕姿嘉賓仲開心過我，我都喺紅館開過騷，大家都係喺紅館開騷，唔係咁大細超，畀啲熱烈掌聲。」觀眾隨即拍掌，但也有人報以噓聲，接着孫燕姿再出場時掌聲震耳欲聾，相距很大。
持證男子賣簽名相
完騷後場外有一名男子掛着pass兜售孫燕姿簽名相片，但甫見記者影相即離開，大會發言人表示該男子並非pass的持有人，正了解事情。
Kay昨日到澳門出席屈臣氏及豐澤的活動，問到指觀眾「大細超」，Kay卻稱：「我係話屋企人，話佢哋我做孫燕姿嘉賓仲興奮過我開騷，可能有人聽錯。」看來Kay要苦練一下表達能力，以免再引起誤會。另外Kay在現場首次以廣東話接受亞視訪問。
採訪：林妃
攝影：黃文成
