英國人相信係最自命有幽默感嘅民族，政治人物就算犯錯，好多時都自嘲一番；今次泰利勾義嫂事件，英國各大小報章都盡量發揮佢哋黑色幽默本色，睇過一段比較好笑的笑話，喺度同大家分享。
話說事發後，英格蘭領隊卡比路打電話給布歷治，滿懷怒火的布歷治以為卡比路做和事佬，就嬲爆爆講：「卡比路你唔使講，我唔會再同呢個XX同隊。」點知卡比路話：「你誤會咗嘞，其實只不過泰利同我講，佢唔見咗個隊長臂章，我想問吓會唔會漏咗係你屋企啫。」
布歷治周六就可以復出，助曼城作客鬥侯城，我信佢現時鬥志，加上隊友鼓勵，可以全取3分，揀客W啦。
文：牽牛
近5場往績：LWWWD
主客和：曼城勝
心得：侯城上仗有運先和波