洪天明同女友周家蔚感情穩定，成日做孖公仔，前晚佢哋一齊去睇《72家租客》首映，噚日又喺將軍澳電視城為無綫節目《星級廚房》錄影，兩個人仲不時打情罵俏，問到天明情人節點過，佢就話新年應該會返內地搵老竇拜年，因為好多年無同老竇過年喎！至於預備咗乜禮物畀女友時，佢就話未準備而且自己唔興情人節。