近日除咗返工、睇波、湊女，大部份時間都花喺練跑步，鬼叫自己舊年年尾忽發奇想參加月尾嘅渣馬，為免出事個名上港聞頭條，點都要臨急抱佛腳。人到中年，加埋工作時間所限，要的起心肝練跑真係唔容易。假如看官不幸住喺鰂魚涌某屋苑，又不幸住低層，應該不時三更半夜聽到個儍佬喺街喘晒氣練跑，請諒。喺艱苦嘅練跑過程，終於體會咩叫循序漸進，起碼由第一次練完對腳痠軟兩日，之後係一日，到家陣跑完幾乎若無其事，係進步。
好多人覺得跑街悶，我連被人彈足廿年，被標籤為悶波嘅意甲都頂得住，樂此不疲，呢個世界都好難有嘢覺得悶。循序漸進，相信係老婦人復蘇嘅狀況，追多次。
文：藍鑽石
近5場往績：LWWL/
主客和：祖雲達斯勝
心得：老婦人隨時反要追