【上月燈神】今屆嘅東亞足球錦標賽周六展開，香港能夠再次出戰固然是好事，起碼能夠同真正嘅中、日、韓國家隊比賽，必有得着，唔期望港足有啲咩驚喜，盡力比賽拉近同對手嘅差距，相信已經令香港球迷滿意。
賽事有《現在台》直播，而比賽喺東亞區舉行，開賽時間又喺黃金時間，想睇波嘅球迷應該唔少。至於國足方面，今次派兵參賽亦會缺少邵佳一同鄭智兩位外流球員，而隊中有東錦賽經驗嘅舊將就只得孫祥同曲波，難怪教練高洪波都話今次賽事以學習為主。
國足首仗對東道主日本，即時諗起睇過一段上屆兩隊交手嘅比賽片段，國足嘅「功夫足球」真係唔講得少，極具殺傷力，飛腿、熊抱、叉頸咩都齊，結果最後只輸一球，今次交手會唔會歷史重演。至於想睇「功夫足球」，可以到以下網址： http://www.youtube.com/watch?v=tZ9LMvSF-Ew
曼聯周六贏樸茅即刻上榜首，後者雖然有新班主，但隊波立立亂，作客奧脫福點頂？紅魔[-2]都要照捧。
文：戰鬥員A
近5場往績：LWWWW
讓球主客和：曼聯勝[-2]
心得：樸茅換班主都唔掂