張學友身為環球歌手，又是邵氏出品的賀歲片《72家租客》主角，為電影宣傳時身份尷尬，前晚首映禮，志偉便主動拉《東張西望》訪問學友，又與學友對鏡頭唱歌，後更撮合無綫及有線一同訪問藝人，學友笑說：「唔知係咪一場夢。」
過百藝人前晚在圓方出席賀歲片《72家租客》首映，呂慧儀、廖碧兒及高海寧低胸上陣最搶鏡。眾演員一起主持壽司撈起儀式，志偉主動夾魚生餵呂慧儀吃，他在台上感激眾演員的演出，又向演員們作90度鞠躬，還寸無綫說：「多謝大家，無言感激。」
因無綫與環球及華納等四公司因版稅問題鬧翻，身為環球旗下歌手的學友出席無綫活動，身份尷尬，志偉竟故意拿着無綫訪問咪走向學友說：「我哋《東張西望》要訪問學友。」然後拉主持黎芷珊到中間，見黎尷尬問些普通問題，志偉搶咪說：「梗係問學友幾耐冇做無綫訪問啦。」學友笑說：「咁我唱唔唱得歌呀？」然後與志偉合唱賀年歌。
「世紀時刻」
前晚邵氏電影也有邀請有線娛樂台到場採訪，志偉與學友以廣東話接受有線訪問，志偉還拉在附近的黎芷珊過來，結果有線與無綫破天荒一同訪問藝人，學友大笑說：「世紀時刻。」志偉更說：「大台還大台做，細台還細台做，電影人做電影本份，邊有咁多風雨，冇所謂嘅。」學友說：「講國語做訪問係幾辛苦，今日好開心，一團和氣。」
自覺一場夢
事後學友說：「頭先突然覺得冇晒界限，唔知係咪一場夢。第一次兩支咪一齊，做咗十幾年未試過咁嘅場面。」無綫高層樂易玲說：「今日我哋做電影，有邀請有線嚟，多謝有線嚟幫我哋做宣傳。」此外，志偉被問到有否請《花田囍事2010》老闆黃百鳴來看戲，他說：「個儍佬喺成都，驚咗我唔敢返嚟，我哋係戰友，今次係友誼競爭。」他謂預期《72家租客》收2,500萬，並說：「我贏佢哋300萬左右啦，我會去《花田》踩場，睇咗佢哋部戲我會安心啲，原來係咁渣。」首映結束後，志偉拉隊去尖沙嘴的自家烏冬消夜，黃宗澤傍實樂易玲出席。
採訪、攝影：溫敏芝、彭琮然、朱志聰、黃文偉