才剛剛到過上海的南京路Nike一趟，才剛剛妒忌同胞們有NIKEiD.STUDIO服務，才剛剛呻完，諗住到新港Nike宣洩一下（其實咪又係想買嘢），就收到公關電話，2月3日iD.服務已經到港慰藉香港粉絲，事情實在發生得太巧合！
說時遲那時快，小記已親身試驗服務，現報告一下！位置是新港中心舊時賣NSW鞋款位置，店內約有四至五部電腦供客人於一個小時內「砌鞋」，所用版面與中國大陸相同。基本上衫袋鞋共有144款式可以選擇，而鞋款選擇大都有齊，包括AirMax1、DunkLow、AirForce等，顏色及皮料選擇以DunkHi最多，價格由六百幾至千九蚊都有。小記建議大家先在家登陸中國Nike網站，可預先創作及記錄鞋款，再到新港Nike畀錢（因香港未有網上訂購服務），又慳時間又可靜心「砌鞋」。還有重點是，雖然在香港訂購時的單位是人民幣，但不會計之間滙率差價，所以香港價格較內地平一點，算是遲來的喜訊。
記者︰吳美美
2月生日的朋友，只要到來幫襯時出示身份證，就可以獲得限量紀念鞋扣一盒。
NIKEiD.STUDIO（29578673）
尖沙嘴新港中心106舖