支聯會下星期一開始喺維園年宵市場擺檔，主角當然係坐鎮幫市民寫揮春嘅華叔。唔少人擔心支持公投市民會去「挑逗」華叔，恐怕有不愉快場面，不過張文光話大家少擔心，相信80後o靚仔唔敢搞華叔。
據張文光稱，多年前有陀地到維園年宵收保護費，不過啲「公仔佬」彪形大漢見到支聯會檔位，自然就會收手，更指呢啲係「正氣嘢」，所以佢哋唔會搞，更加捐錢畀支聯會！中共幹部早已指出「黑社會也有愛國的」，社團人士捐錢畀支聯會其實都唔奇怪。除咗華叔揮春，其他民運「年貨」包括民運書籍同紀念品，其中華叔文集一套25本賣一千蚊，大家記得帶夠錢。