因為一輯自拍影片的關係，令「邦民女」陳嘉寶的師妹Leanne（何思諺）擊敗眾多對手，成為新一輯陽光檸檬茶廣告的女主角，這一個經典的檸檬茶廣告先後捧紅了不少藝人，其中包括有鄭伊健、張栢芝和黃宗澤等人，Leanne表示能夠有機會參與，當然感到開心，更希望有機會成為經典的一分子。
自拍影片打動評判
談到今次參選的過程，Leanne說：「入咗第二輪面試除咗要見評判之外，仲有一個環節係才藝表演，嗰陣我send咗一段自拍短片，係以天空做背景，入面有一個伯伯喺度打籃球，雖然呢個伯伯隻腳受咗傷，但佢都冇放棄繼續試，結果俾佢成功射籃。」最後結果當然打動了評判，更因而成為女主角。
作為其公司今年力捧的新人，Leanne說：「我梗係積極做好自己，準備迎戰，我仲希望可以有多啲唔同嘅嘗試，而且我對幕後嘅工作有興趣，希望將來有機會接觸幕後嘅工作。」
採訪：何慧斯
攝影：林德雄
服裝提供：2%
髮型：ZapofXenter