去年奉子成婚、至今懷孕近8個月的徐淑敏（Suki），已擇定吉日下月23日剖腹產女，她昨日趁產前最後衝刺出席宣傳銀。對於夫婿黃浩（Kenny）早前為護妻向某雜誌記者爆粗吐口水，Suki昨日出言護夫，指二人初相識都見過他流口水。
下月便做媽咪的徐淑敏，昨日為代言的化妝品牌GIFFARINE在旺角店舖做宣傳，貪靚的她近日已改穿平底鞋，廣告商昨日安排一名「小Suki」送上嬰兒籃作賀禮，她彎身跪地合照時，腹大便便的她狀甚辛苦。
下月剖腹生產
問Suki這可是產前最後一個活動？她說：「係呀，因為份合約包咗宣傳活動，原本早少少做，但之後延遲咗。」距離剖腹尚餘7個星期，她直言有點緊張：「之前試過發夢夢到生BB情況，但家未決定剖腹嗰陣係全身定半身麻醉，我唔考慮自然分娩，開刀有齊晒仔女就收工。」
Suki上月與夫婿Kenny到中環撐枱腳時有雜誌記者衝入餐廳拍照，Kenny護妻心切與記者發生爭執，Kenny更向記者四吐口水兼報警，事件發生後，Suki昨日首度見傳媒，問她現在Kenny是否已消怒氣？她說：「佢一向都OK，少少嬲啦。」她表示Kenny此舉只是緊張家人。問Suki可認為Kenny不應該吐口水，她說：「佢啱啱識我嗰陣，佢都有成日流口水，家冇之嘛。」可是Kenny見咪神即流口水？她笑說：「係囉，佢之後唔會咁做。」問她可擔心當日Kenny的粗鹵行為變成胎教？她說：「佢冇乜喺我面前講粗口，有呢啲衝突我會避開。」
唔敢教導老公
談到有否覺得Kenny行為冇品？Suki說：「佢好錫佢家人，對父母仲緊張。」會否叫Kenny控制EQ？她說：「佢handle（處理）得叻過我啦，唔敢講教，發生件事我哋都冇講過啲乜嘢，大家咁大個人，會識自己諗番。冇講咁多，大家應該互相尊重。」Kenny指已申請禁制令阻止某記者貼近採訪，Suki說：「只係針對嗰間記者啫，因為影響到訴訟結果。」 採訪：溫敏芝 攝影：黃文成
娛樂資料庫：陀B開工做不停
懷孕8個月的徐淑敏，昨日繼續出席活動銀，其實她自有喜以來幾乎未停過工作，名副其實工作狂。
日期：09年7月
簡介：剛懷有身孕的她穿吊帶裝到青衣城出席環保活動，身形苗條。
日期：8月
簡介：到會展出席Crocs活動，自爆生仔玩即興，其實當時已懷有身孕個多月。
日期：9月
簡介：穿上火紅連身裙出席美食活動，腹部微微隆起。
日期：10月
簡介：到尖沙嘴出席展覽，懷有3個多月身孕的她體重增加10多磅，上圍也豐滿了。
日期：11月
簡介：到圓方為眼鏡店宣傳，穿上鬆身裙及高踭鞋亮相。
資料來源：《蘋果》資料室
