向來多才多藝的王祖藍除了扮嘢叻之外，近日更榮升老闆於尖沙嘴開設甜品店，昨日更請來一班藝人到場試食，眾人均讚不絕口。感情未有着落的他自言dry到爆，故藉此舖滋潤一下，順道可以物色女友。
近年不少藝人進軍飲食業，繼谷祖琳、EO2及陳豪紛紛開甜品店後，王祖藍近日夥拍兩位股東包括林小明前妻趙雪英等，投資過百萬於尖沙嘴開設「心飴」甜品店，劉德華更親自為該店提筆寫牌匾。
雖然店舖未正式開業，但王祖藍昨日率先邀請多位圈中好友為其新開的甜品店試食，李彩華、盧大偉、朱慧敏及彭家麗等紛紛到賀，股東之一的趙雪英也有出席。
祖藍自言希望藉甜品店結識到女朋友，他說：「咁見到人拍拖自己都想搵番個，等我事業有成，到時都可以同未來外母有個交代。」祖藍表示原本想置業，但因目前樓價太高，故只好投資開店，他說：「原本冇我份投資o架，不過佢哋之前傾開，咁我就話等佢哋開咗之後再問吓佢哋意見，之後佢哋就話不如一齊喇，今次第一次做生意就當學嘢，而且自己又可以做生招牌。」
李彩華擬解約
李彩華表示目前正與寰宇傾談提前解約，她說：「大家都係喺好開心嘅氣氛之下傾，希望嚟緊大家嘅發展會更好。嚟緊唔會再簽，因為都經過幾次解約事件，所以都想自由身。」問到是否準備嫁人，她說：「等上天安排喇，等多兩年等我28歲先喇，家仲有人搵我做嘢，賺多啲先喇。」至於情人節如何與男友王傲山度過，她說：「我哋係好好好朋友，低調啲好，情人節梗係等男仔安排喇。」
採訪、攝影：王崇穎