惠英紅噚日喺尖沙嘴接受無綫節目《志雲飯局》嘅訪問，講到之前話佢涉及一宗國際賣淫集團案件，紅姐話根本同佢同埋佢屋企嘅所有人都冇關，紅姐仲自爆話內地網民幫佢起咗個名叫「老鴇」，嬲到爆。總經理陳志雲被問到有指愛將崔建邦因停工冇嘢做而欠卡數，佢話一定唔會有咁嘅事，睇吓過完年邦邦心理狀態點先決定復唔復工。