80後鍾意搞激嘢，80年出生，掹車邊都係80後嘅南區區議員陳岳鵬Ronald，為抗議港鐵在貝沙灣附近設卸泥口，運輸南港島線工程泥頭，噚日不惜活埋自己，在立法會外示威時，俾反對港鐵建議嘅居民將泥頭倒在佢身上，只係露出個頭，象徵工程泥頭擾民，葬送區內美好環景，諷刺當局活埋民意，希望政府懸崖勒馬撤回方案。
Ronald玩活埋真係搵命博，俾泥頭壓實近半小時都辛苦，佢嘅恩師葉劉到場鼓勵，連民主黨甘威路過時都忍唔住八卦望吓。Ronald話唔知政府肯唔肯聽佢呢個80後嘅意見，還望當局關注公投之餘，唔好忽視泥頭問題。