公投要搞得有聲有色無財不行，因此社民連、公民黨都努力籌募經費，除咗喺街頭叫人捐錢，亦要向80後利是錢打主意，社民連執委季詩傑想出好橋，誓要電車男、毒男乖乖奉獻。
季詩傑私伙
阿季噚日喺facebook宣佈，私伙拎出周秀娜親筆簽名年曆3份同兩隻寫真集Blu-raydisc拍賣，底價一律500蚊，價高者得，競投至2月14日大年初一凌晨，亦即係情人節就知呢五件Chrissie物品花落誰家，想周秀娜陪伴過新年，或者情人節對住Chrissie，大家就唔好亂用利是錢，留番啲彈藥出擊。
最終成交價幾多，阿季話難以估計，總之所有收入全數捐予五區公投經費，佢又強調雖然今次拍賣Chrissie精品，但絕不代表Chrissie支持公投，佢只係透過朋友搵Chrissie簽名，唔知道亦冇過問Chrissie政治取向。