連升3日，港股噚日嘅升幅擴大，成個形勢好番好多，市場氣氛亦樂觀咗。
前晚花旗股市顯著造好及噚日A股轉強，係港股大升449點嘅主要動力，成交雖未夠700億元，但仍比前日多咗，技術走勢好轉，今日有機繼續推上。
人和C輪19609：人和商業（1387）昨收1.74元，升2.3%。股價上月中見過2.80元高位，之後反覆下跌，周一跌穿100日線即反彈，之後連升兩日，應已見底，短線上試1.90元，破位睇2.10元，可以諗吓隻C輪19609。
隻輪現價20.1仙，2010年8月27日到期，行使價2.08元，溢價31%，引伸波幅67.2%，有效槓桿3.6倍，正股升上2.10元，19609睇38.2仙，正股跌穿1.63元，就沽咗隻輪止蝕。
俊樺