港股1月份大跌1750點，踏入2月第1個交易日，港股否極泰來，升咗121點收市，睇走勢，反彈可以繼續。
外圍方面，花旗股市偏淡，雖然道指跌近支持位，但部份主權國嘅債務違約掉期（CDS）急升，隨時會被炒家利用推低股市，到時港股都會受影響。
招行C輪17158：招商銀行（3968）昨收18.30元，升1.3%。股價反彈咗3日，但累積嘅升幅仲係好溫和，有機會逐步推向20元，可以諗吓隻C輪17158。
隻輪現價19.7仙，2010年6月29日到期，行使價18元，溢價9.1%，引伸波幅40.1%，有效槓桿5.3倍，正股升上20元，17158有機見30.5仙，約5成升幅，如果正股跌穿17.50元，就沽咗隻輪止蝕。
俊樺