楊千嬅和丈夫丁子高早前到東京血拼，其間千嬅被指公主病發作，要老公啜爆狂冧。
兩夫婦昨日分別在香港和北京工作，丁子高與謝婷婷昨在政府大球場出席活動時力撐老婆：「唔覺佢有公主病，就算有都係我搞到佢有，因為佢係我嘅公主，佢冇扭過計，只係我好鍾意整蠱佢，見佢呆滯時會搣佢。」
千嬅昨日在北京宣傳電影《財緣萬歲》，前晚她在港台頒獎禮後受訪時說：「幾十歲仲公主咁畀面，話我係山寨王咆哮就OK。」她否認與丁子高啜爆，並說：「錫乜，你估我癲咗咩？我成日擘大個口o架啦。」此外，謝婷婷透露懷孕的張栢芝很健康，她說：「佢好似superwoman，一隻手抱住個仔，另一隻手做好多嘢。」
採訪、攝影：卓寶花（香港）、陶然婷（北京）