花旗公佈上季經濟增長，大升5.7%，股市即刻彈高，不過高位冇乜力，結果倒跌，相信會為今朝港股帶來壓力。
港股上禮拜期指結算，淡友繼續施壓，好友力守20000關。技術上港股跌勢喘定，不過花旗股市走勢差，國內嘅股市氣氛又麻麻，20000關仍會受考驗。
國壽C輪19295：國壽（2628）上周五報收34.65元，升1.4%。集團發盈喜，買盤增多推高股價，以破腳穿頭回升，有機突破10日線上試37元，可以諗吓隻C輪19295。
隻輪現價20.7仙，2010年5月24日到期，行使價35.88元，溢價9.5%，引伸波幅33.1%，有效槓桿7.7倍，正股見37元，19295睇33.3仙，正股跌穿33.60元，就沽咗隻輪止蝕。
俊樺