平時北上內地，好容易見到有譚木匠（837）店舖。純以該公司之木雕工藝用品而言，委實手工不俗，產品大多出自殘疾人士製作，心下不期然生出一份敬意。
如果散戶有睇過譚木匠之木製產品，應會同意產品造得靚，這固然係一項業務優勢，亦是有效利用殘疾人士在手工藝製作上比普通人更專注之優點，為企業帶來極高毛利率；從譚木匠直營店及加盟店分別高達55%及57%毛利率，便可見一斑。
截至09年6月上半年，公司營業額及股東應佔溢利分別為6522萬元人民幣及2133萬元人民幣，按年上升23%及84%。
譚木匠去年底以2.58元招股上市，集資所得主要用作擴展銷售網絡，以及計劃進軍木製家具市場。掛牌後初段股價表現強勁，成為09年最賺錢新股，可惜踏入2010年後表現無以為繼，股價最低曾見2.76元，上周五收報2.88元，上市以來總算未曾失守過招股價，不過，由於市況唔就，博反彈都係等跌穿招股價才出手。
方星俠