早前因為藏毒罪成而被判接受感化12個月的o靚模周凱盈（Monique），昨日到將軍澳出席抗毒活動，她以更生人士身份呼籲年輕人不要吸毒，更承諾以後不再接觸毒品。
o靚模周凱盈早前因藏毒而被判接受感化12個月，她昨日以更生人士身份到將軍澳體育館出席「西貢區滅罪抗毒助更生嘉年華」，她事前表示不接受訪問，但她於台上與年輕人分享自己誤入歧途的經歷。
自言受唆擺
Monique指當初因受到一班壞朋友的唆擺，加上自己定力不夠而嘗試吸毒，她說：「其實呢件事傷害唔止係表面，而係對家人好大傷害，佢哋養育我咁多年會好傷心，而且冇大聲鬧我，只係叫我日後要行番啱條路，佢哋冇怪我。」
當司儀問到Monique如何呼籲年輕人不要吸毒，她說：「如果家人唔喺身邊，俾人唆擺要停一停、諗一諗，呢樣嘢對身體冇好處。」最後Monique承諾以後不再接觸毒品，又指自己所犯的錯可對年輕人起警惕作用，及後她與主禮嘉賓一同撕爛一張印有「毒」字的紙張。
農夫讚勇敢
此外，農夫的陸永覺得Monique十分勇敢，因為她能勇於面對群眾，他說：「佢嚟講抗毒呢件事最有說服力，未必人人都承受到呢啲壓力。」C君則認為其他曾吸毒的藝人可一同出來現身說法，一定可以大力宣揚禁毒訊息。
採訪：李珮洳
攝影：黃文成
