傑志隊長盧均宜昨在銀牌決賽先勝後敗，再次與冠軍獎牌擦身而過，他賽後對賽果感失望及可惜，但不明球證為何沒有判罰禁區外侵犯他的南華門將張春暉（詳見第６點）。
今季表現穩定的均宜，在銀牌賽前先無緣代表香港出戰下月的東亞賽決賽周，昨日大好形勢失落銀牌，縱使賽後獲不少傑志球迷安慰，但仍難掩失落心情，當中對球證未有吹罰張春暉更感莫名。
他表示，張春暉出迎確實踢了他，奇怪在球證與助理球證完全沒有示意犯規：「春暉出迎踢唔到個波，踢到我隻腳，仲要拍一聲，都好大聲吓，就算球證同旁證（助球球證）睇唔到，都應該聽到聲掛；點知球證唔罰，旁證亦冇示意，如判罰（對方紅牌出場）形勢可能完全不同。」