發哥主演的《孔子》是非多多。明明是商業電影，突然被內地捧成主旋律電影，發哥苦笑：「我唔係要奉承國家而拍呢套戲，拍完後佢攞咗去做呢樣嘢，我都唔知o架。」談到與《阿凡達》對撼，發哥大笑道：「三生有幸呀，你上乜嘢戲都死，墊屍底，我都唔知幾開心，做咗清兵呀！」
自嘲老許
人到中年，開始進入瓶頸位，發哥卻坦然：「做演員你五十零歲，咁你做人阿叔做人老竇做人爺爺，呢個係自然定律。你出嚟嘅時候好多前輩提攜過你，你到咁上下都係做番同樣嘅嘢。」
近15年沒拍港產片，問發哥何時回歸？他說：「係畀過劇本我睇，但我唔鍾意。你家叫我揸番兩支槍扮Mark哥，搞錯呀！呂良偉最近話搵我重拍《上海灘》，我話除非你開部《老許與小丁》就諗諗，佢好似食咗過期防腐劑咁，仲後生過嗰陣嘅丁力，我就老到死，哈哈！」