無綫強調沒有封殺，偏偏四大唱片公司歌手最近在無綫近乎銷聲匿迹，有樣但沒有訪問。張學友出新碟更再進一步接受亞視訪問，他主演的邵氏電影《72家租客》也冇份宣傳，學友揶揄：「如果佢喺戲中剪咗我嘅聲就好嘢喇！」
張學友昨天到商台宣傳新碟，前天他帶頭接受亞視訪問，該片段更於新聞時段播出。學友是電影《72家租客》的主角，無綫於宣傳片段也沒他的訪問，至早前該戲演員到《勁歌金曲》宣傳也沒有他的份兒。
「剪我把聲就好嘢」
學友說：「控制唔到，我唔可能逼佢嚟訪問我，我諗佢唔嗌我做，我都係噚日先知佢哋做咗呢個節目。」問他可覺得無綫此舉不夠大方？學友揶揄說：「會唔會戲入面我把聲冇咗？如果佢喺戲中剪咗我嘅聲就好嘢喇！喺電視剪咗唔出奇。」他稱將來其他台有音樂節目，會視乎公司的安排而決定會否亮相他台。
商台昨日電話訪問了三台的高層，無綫陳志雲稱現時仍與四大公司洽談中，大家均就事件提出方案。他表示今日港台的頒獎禮會足本播出，他說：「港台保證咗版權問題由佢哋解決晒，佢哋已經書面確認咗問題。」有傳《巾幗梟雄》班底離開無綫，以致未能完成續集，陳志雲說：「張華標（《巾》劇編審）係會走，但佢想完成晒個作品先，對於報道，我哋保留法律追究權利。」
亞視高層葉家寶則指一直想搞音樂節目，奈何之前孤掌難鳴，問到下月陳奕迅和謝安琪是否現身該台，他說：「最重要佢哋同友台合約解決晒，等唱片公司公佈，我哋一定會專程做一個節目。我知學友都出碟，希望有唔同渠道合作。」他強調所交的版稅合理。有線高層胡容卿謂若歌手能亮相其他台，不排除舉行頒獎禮，更承認此事打開缺口。
高海寧比堅尼晒咪
另外，新一代咪神高海寧及梁政珏在《72家租客》中以性感三點式出現，性感惹火。監製曾志偉親自向扮包租婆的佘詩曼及包租公的林家棟教路，當中光頭的側田戴上長假髮，造型趣味十足。
採訪、攝影：王連連