上月燈神
呢輪突然間充滿危機感，因為一啲冇預計過會喺香港發生嘅嘢，忽然間出晒嚟，好似打防疫針原來會死人，喺鬧市會冧樓（仲要係有人住緊嗰隻），連讀書時所學嘅中文，都好似唔多啱咁。
我所講嘅並唔係「升呢」、「攬炒」或「神級」呢啲潮語，而係原來「起義」係一定要動盪不安同流血，絕對唔可以「靜靜地起革命」，而每當講起公眾意見時，就一定要加「主流嘅」呢3個字喺前面，咁樣先避免俾人捉字蝨。嘩！咁嘅中文，好難學啫！
講番推介，原來呢個時勢真係唔適合買「紐」，前一次蘋果波神推介紐卡素衰咗，我上次諗住「兜底」再推介，亦都衰埋。
今次一於改玩英超，推介曼城喺周日可以於主場大勝冇錢又冇兵嘅樸茨茅夫。曼城改由文仙尼領軍後，表現比之前平穩咗，無論近況同實力都喺老樸之上，而且睇佢哋得1.28倍嘅單W同埋1.9倍嘅[-1]「主勝」，絕對熱透，夠晒符合主流嘅公眾意見啦啩？！
吾中
近5場往績：LW/WL
讓球主客和：曼城勝[-1]
心得：曼城大勝符合主流嘅公眾意見