細個住屋邨，鄰居多潮州人，佢哋啲方言聽到我一頭霧水；不過對樓下潮州打冷檔就有好印象，唔嫌衞生差，韮菜豬紅、花生雞腳及「大眼雞」等，吃得津津有味。到家，打冷價錢不再大眾化，但間唔中都會同好友幫襯。不過唔係檔檔都咁好食，好似旺角最出名、近波鞋街嗰檔咁，招呼唔好，又貴、食物賣相又一般，我哋怕怕；不如行遠啲去太子個檔，舖位做到一變二，依然美味！
有話潮州音樂即「自己顧自己」，家英冠水晶宮財政陷危機，主將被禁出賽等賣走，又被扣10分，留低球員為人為己一定大踢身價波搵出路；周中作客紐記雖敗表現不差，今鬥榜末的彼得堡，博W啦！
蘋果波神
近5場往績：LLLLL
主客和：水晶宮勝
心得：「自己顧自己」，鬥志更鮮明