潮流興復出，好似41歲嘅車神舒密加就出山玩F1，39歲嘅中山美穗亦唔執輸，相隔12年再戰影壇。仲記得睇過唔少由美穗姐姐主演嘅日劇，好似係《年輕太太法力無邊》、《偶像媽咪》同埋《美味關係》等等，當中對《偶像媽咪》嘅印象最深。齣劇個古仔雖然簡單，不過就相當之好睇，而且卡士強勁，喺戲中做佢繼子同繼女嘅，就係已嫁咗畀前F1車手阿里斯嘅後藤久美子，同埋現已係日本殿堂級演員嘅永瀨正敏。
講番推介，伯明翰周中場英超吞咗車仔3蛋，15場不敗走勢結束，但雙方實力有好大距離，輸波都好正常。呢個禮拜佢哋迎戰熱刺，一於再追伯明翰。
青蛙仔
近5場往績：W/WDW
讓球：伯明翰（下）
心得：熱刺作客讓波信唔過