現年20歲中巴混血o靚模鄺敏慧早前報警指遭舊愛崔建邦毆打，男方昨日往警署報到，鄺敏慧早前接受有線娛樂新聞台節目《主播會客室》訪問，巧合昨日向傳媒發相，她在節目中再次談到崔建邦，更激動得淚灑當場。
主持李潤庭問到中巴可後悔與崔建邦拍拖，她說：「如果我一早知道會發生咁多唔開心嘢，我一定唔會同佢一齊。」中巴指初相識崔建邦，感覺他照顧新人才生好感，熱戀時曾計劃結婚生子，她爆料說：「因為佢年紀都唔細，佢曾經講過等自己事業穩定啲之後，就同我結婚，然後生BB。」
抱枕痛哭壓力大
中巴表示當時愛崔建邦愛得盲目，她說：「除咗屋企人之外，我最愛就係佢，為咗同佢一齊，我可以放棄一切。」所以當發生崔建邦涉嫌向她動粗，她說：「我冇想過咁愛我嘅人會咁樣對我。」
中巴在事件後隨即復出工作，她指自己只是裝開心，回家就抱枕痛哭，由於壓力太大致晚晚失眠。她的父母早年離異，所以令患有羊癇症的單親媽媽擔心最感內疚，中巴情緒忽然激動流淚，她說：「經歷咗咁多，我家只係想好好工作，努力照顧媽咪，一家人開開心心生活已經好滿足。」
撰文：林妃