溫碧霞、葉佩雯同郭偉亮噚日去銅鑼灣出席spa店開幕。溫碧霞話10年前撞過車，腰骨受傷，要經常按摩紓壓，但冇check過會唔會影響生育，佢話：「唔係好介意，我同老公都習慣咗家嘅生活。」至於葉佩雯嘅身形肥咗唔少，似乎有喜，佢否認話：「唔係，我絕對安全，我一向都比較豐滿，有喜嘅係我朋友栢芝。」佢話冇計劃生育，因為養三隻狗已經好夠。
