堪輿家李丞責和同行胞弟李星瑭不和，有指當中因二人投注三T分錢不勻，但李星瑭卻強調最不滿是李丞責沒有細心照顧患老人癡呆的母親，未盡孝道。
盼多關心母親
李星瑭前日力斥李丞責待人凉薄，他昨日帶同長輩李強在旺角接受記者訪問，二人夾擊李丞責對人態度有問題，李星瑭說：「佢好容易發脾氣，動不動就污言穢語，李生（李強）90年代末期曾經幫過當年經濟有問題嘅李丞責，出咗一筆錢。」李星瑭指當李丞責風生水起後即忘恩負義，隨即疏遠李強。
李星瑭繼續揶揄兄長說：「我好欣賞我哥哥，佢面對鏡頭一流，口齒又伶俐，可能自細家貧，自卑心較強，所以環境改變，佢咪補償自己童年所失。其實我只係想勸佢，得與失唔可以用金錢衡量，我希望佢多啲關心媽咪。」
問李星瑭今年團年飯可會與兄長冰釋前嫌？他說：「睇吓大家就時間。」若李丞責歸還彩金，李星瑭會否收下？他說：「我家搞緊慈善嘢，佢畀番我，我會拎嚟做善事。」
採訪：比華利
攝影：彭琮然