本地樂隊Mr.憑《如果我是陳奕迅》唱到街知巷聞，於各大頒獎禮上奪得不少獎項，隨着頒獎禮即將完結，Mr.下月初推出新碟《LikeBlack》，今次他們更請到葛民輝義務為他們設計新碟紀念品，以黑色結他pick頸鏈回饋樂迷。
樂隊Mr.將於下月推出新碟，今次葛民輝會為他們設計一條黑色的結他pick頸鏈，作為新碟紀念品。阿葛一向是黑色的diehardfans，Mr.成員同樣鍾情黑色，故此雙方一拍即合。
阿葛表示留意了Mr.一段日子，發覺幾位年輕人對音樂的熱愛絕對不是玩玩吓，他說：「有時見到呢幾個o靚仔玩樂器唔係hea住咁彈，feel到佢哋好有heart同埋好愛音樂，而且佢哋好有禮貌，我對佢哋有一個好好嘅印象，加上佢老闆出名孤寒，今次我就唔收錢幫吓佢哋啦。」
打軟硬主意
原來Dash是阿葛的fans，他珍藏了阿葛與其他品牌crossover的產品，當中有一個黑色figure及一對黑色波鞋，他說：「一諗起黑色狂迷就會諗起阿葛，我估成個圈入面冇人會對一隻顏色愛得咁瘋狂，其實佢唔只係做緊一門生意，仲睇到佢嗰份堅持。」
Alan和Tom從來沒想過有機會與阿葛合作，他們說：「葛民輝幫我哋設計，根本諗都唔敢諗。家件事成真，我哋好興奮，希望再合作就係同軟硬兩個一齊。」
阿葛則覺得現時的歌手靠出唱片搵食十分艱難，更何況是樂隊，他說：「家歌手出碟賣幾千已經好叻，Mr.仲要咁多人分嗰啲錢，同埋今次嘅紀念品係隨碟附送，唔係用嚟賣賺fans錢，我好支持呢件事，一定會幫佢哋。」
採訪、攝影：李珮洳
場地提供：Termini