盧海鵬、寶珮如、朱咪咪及吳浣儀等日前在觀塘為舞台劇《審死官》綵排，久違了的寶珮如也有份參與，她表示因演舞台劇經驗不多，難免出錯，試過被鵬哥鬧，她說：「鵬哥只係對事唔對人，鬧我都係袋錢入我個袋啫。」
朱咪咪嗌夠
首次做舞台劇的朱咪咪坦言較喜歡在台上唱歌，她笑說：「好多人做完舞台劇會越做越鍾意，但係我覺得唱歌輕鬆好多，搵食容易啲，今次算係做過就算，我最初仲諗住劈炮唔撈，我唔知原來係做『宋李氏』，收到劇本嗰陣先識驚，又要記對白又要走位，我怕自己記唔到咁多嘢，所以咪同佢哋講總之唔好理我行去邊，我到時會交番晒啲戲出嚟。」咪咪姐又表示排戲好開心，而飾演奶媽的吳浣儀更試戴大奶罩。
採訪、攝影：何慧斯